الــــــــــــــــــــــــــــــولية

من طرف **على الجعلى** 17/2/2011, 21:20

الولية المفترية
حلمنتيش
الولية المفترية
شالت النوم من عينيه
الخبيز نيرانو حيه
وشايله هم عيد الضحية
الخروف من بدري جيبو
وما تقول أنا ووب عليه
ما تجيبو صغير وناشف
وما تشمت ناس عليه
أصلي عارفاك يا مسجم
ما بتسر قلب البنية
وما بتقول أرضيها عاشه
بي غويشات أو هديه
*******
والولية المفترية
ماشه شحمانه وقويه
لو أقول أديها هرشه
تهبر أللحمه الطريه
وبي عصي المقشاشه تهجم
ذي مقاتل في سريه
كم آذت بالحلة رأسي
وكم شوت بالنار أيديه
كم وكم بالنقة ودت
روحي لي عالي العليه
بالوليدات والمدارس
والمشاكل الثــــــانويه
*******
والوليه المفتريه
علمت قلبي الاسيه
والندامة بقت حكاية
تروي للناس الاذيه
مالي مال سهر الليالي
والأناشيد الغبيه
جبته لي نفسي الكأبه
وجبته للروح البليه
بالزواج ودرته ذاتي
وخضته في النار بي أيديه
والوليه المفتريه
ماشه شحمانه وقويه
********
الوليه المفتريه
ما بيه تعرف حالتي ديه
حال موظف في بلدنا
حالتوا تغني عن الشكيه
المرتب هو المرتب
والمعيشة علي السجيه
والديون للركبة واصله
والكوابيس منطقيه
حتى في ألأحلام موكح
بالولية المفتريه

من طرف بيكووو 18/2/2011, 16:32

بسم الله الرحمن الرحيم

الوليه

خوفتنا ياابوعلوه

اخير نقعد عزابه

من نقنقه النسوان

تشكر علي الشعر الحلمنتيشي

من طرف معاذ البجراوية 19/2/2011, 06:40

تسلم علي الجعلي ومذيدا من الابداع

الــــــــــــــــــــــــــــــولية

الــــــــــــــــــــــــــــــولية

رد: الــــــــــــــــــــــــــــــولية

رد: الــــــــــــــــــــــــــــــولية


	\|مواضيع لم يتم الرد عليها\|\|استعرض مشاركاتك\|\|افضل 20 عضو\| \|افضل مواضيع اليوم\|\|جديد المواضيع\|\|الصفحة الرئيسية\|