رابطة طلاب البجراويه بالجامعات والمعاهد العليا

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

بريدك يابجر بهواك وانا بيك يا بجر ولهان ( ابوالنظام )

استعرض الموضوع السابق استعرض الموضوع التالي اذهب الى الأسفل

بريدك يابجر بهواك وانا بيك يا بجر ولهان ( ابوالنظام )

مُساهمة من طرف على الجعلى في 16/2/2011, 20:04

بريدك يابجــــــر بهــــــواك وبيك انا يابجــــــــر ولـــــهان
بحب فيك السلم والتـرعة ليالي القمــــــرة والقيـــــــــزان
بحب فيك الاهل واللمة
وفيك الخالة والعــــــمة


قلوب مليانه ريد وحنان
نغم دوبـــــاي معـاو نمـة صوت قمــرية فــوق اغــــــصان
جـر التـوب ولـف عمةصـوت دلوكة اغــــاني زمــــــــــــان
والمركوب مع الطاقية والعراقي وكت الحارة ديك فرسان
شبابك يابجر همة
شبابك يابجر قمة

ولي باقي الشباب عنوان
ابواتنا البعدلو الميل
ابواتنا البقيمو الليل

قلوبن عامرة بالايمان
ابواتنا البجافو النوم الا يشوفو ضـيفن نام رقد شبــعان
بناتنا المابســـكو الموضة بناتنـا الاسـسو التيـــــــــبان
واماتنــا الفي نص الليل يعوســـو الكسرة للضيــــــفان
بحــب فيك يابجـــر صــوت شيـخنا لما يرتـل الــــــقران
اشيل لوحي ومعــــاهو دواية بحــب الخلوة والحـيــران
ومن نومــي بقــوم بــدري صــوت الشـــــــبلي والاذان
وللجـــزيرة بدلي وبالزمبـــارة اعــزف للبــجاري الحـــان
احــش الســـعدة لي غنــمي ومـــــراح الــــــــــــضان
احش تريـــب الم عليف واحــت خريمـــي بالمحــــجان
اشيل طورتي والمنجل واسقي خـداري في الحيـضان
وانشل موية من البير واســـقي الغاشي والضــــهبان
وافرح بي زواج جـــاري وازورو اخـــــوي داك مرضـــــان
ولما يمـــــوت عزيز فيك ليالـي طويلــة اكـون حــــزنان
لما النيل يفيض ويزيد يملا الترعة خور كمبل وخور حسان
نعدي نهارنا جت في العوم وكنا نعيش حياتنا امــــــــان
بيوتنا الدانقة والكرباب والقاطوع مع الديناب بلا حيشـان
افطـــــر روب وكــــــــرارة
غداي بي خدره مفروكة

معاها فجل طري ونديان
نشات حياتي صوفية
اكل فتة في حــولية
بالختمية والفـــادرية

صوت الطار بخــــور تيـمان وانوم شـــــبعان
لعبت كتير شليل وينو ومن داسك ويالبلب
والــــرمة وحراســــــه وشـــــد واركــــــب

مع الخلان حليلو سمرنا يااخوان
وفي التاسوعة ليلية يصبح عيد واقوم فرحان
نبارك لي اهلنا العيد
نعزف للبجاري نشيد
مبارك وبالاماني يعيد

نطوف الحلة والجيران
وللمولد بنعمل زينة ندق صاريــنا في الميــــدان
نتونس في درب السوق نتم الباقي في الدكان
حياتنا بساطة دون تكليف
حيــــــــــــــاة الـــــــــريف

يقين وامان
ناسك يابجر طيبين قلوب مليانة بالرحمن
معروف اصلي بجـــــــراوي
وجاي من القريـــــــــداوى

عبدالله يبقي ابوي وامي امنة بت ادريس جني عثمان
اكل نبقة من ســـــــدرة
اقيل انوم تحت شــــدرة

احوم من سلمة لي عشرة عشان دنان
بدور امشيلا

بجرنا الغالية مافي مثيلة في السودان
ومعروف في بجرنا حضــــــارة
زور اهــــــرامه شـــوف اثارها

وشوفو خداره في الوديان
بجــــــــــــرنا العــــز بجــــــــرنا المجـــــــــــد

حضارة قديمة ساسة قديم ومابنهد
بريدك جد وبيك انا يابــــــــجر ولــــهان
بريدك جد وبيك انا يابـــــــــجر ولـــــهان
******




[b]
avatar
على الجعلى
مشرف عام
مشرف عام

مستوى مشاركة العضو :
50 / 10050 / 100


عدد المساهمات : 80

تاريخ التسجيل : 16/02/2011

العمر : 31

الموقع : الخــــرطوم - الازهــــرى


الرجوع الى أعلى الصفحة اذهب الى الأسفل

رد: بريدك يابجر بهواك وانا بيك يا بجر ولهان ( ابوالنظام )

مُساهمة من طرف عبد الله التمادي في 17/2/2011, 04:08

تسلم يا ابو النطام

عبد الله التمادي
مشرف عام
مشرف عام

مستوى مشاركة العضو :
0 / 1000 / 100


عدد المساهمات : 15

تاريخ التسجيل : 16/02/2011


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى